Аргентинада "Сан Хорхе де Вилья Элиса" жамоаси футболчиси Микаэль Фавре Энтра вилоятининг ҳудудий лигаси доирасидаги ўйин вақтида олинган жароҳатлари туфайли вафот этган. Бу ҳақда Todo Noticias хабар тарқатди.
"Дефенсорес де Колон"га қарши ўйин вақтида рақиб футболчиларидан бири Фавренинг бошига қаттиқ зарба берган. Шундан сўнг, футболчилар ўртасида муштлашув бошланган ва Фавре юзига берилган кучли зарба туфайли ҳушини йўқотган. 24 ёшли футболчини шифохонага олиб боришган, аммо унинг ҳаётини сақлаб қолишнинг имкони бўлмаган.
Муштлашувда иштирок этган "Дефенсорес де Колон" клубининг икки футболчиси полиция маҳкамасига олиб кетилган.