Дортмунднинг «Боруссия» жамоаси собиқ сардори Матс Ҳуммельс расман «Бавария» футболчисига айланди. Бу ҳақда мюнхенликлар жамоаси расмий сайти хабар тарқатди.
Клублар ушбу 27 ёшли футболчининг трансфери ҳақида 2 ҳафта олдин хабар қилишган, бугун эса футболчи билан 5 йиллик шартнома тузилган.
Футболчи 2008 йилдан буён дортмундликлар жамоаси сафида ўйнаб келаётганди.
Томонлар шартноманинг молиявий жиҳатларини ошкор этишмаган. Футболчининг янги жамоасидаги маоши миқдорига ҳам аниқлик киритилмаган.
