Жорий мавсумнинг иккинчи даврасида «Милан» бошқарувидан истеъфога чиқарилган мутахассис Синиша Михайлович янги мавсумда «Торино» жамоасида бош мураббий сифатида ишлайдиган бўлди.
Сербиялик мураббий билан тузилган шартнома 2 йилга тузилган.
47 ёшли мутахассис 12 апрель куни қониқарсиз натижалар туфайли «россонерлар» бош мураббийлигидан истеъфога чиқарилган ва унинг ўрнини Кристиан Брокки эгаллаганди.
«Милан» Михайловичга шартнома муддатидан олдин бузилгани учун 1 миллион евро миқдорида товон пули тўлайди.
Бундан олдинроқ, Жампьеро Вентура «Торино» бош мураббийлигини тарк этгани маълум қилинганди. Вентура бошқарувида жамоа мавсумда 12-ўринни эгаллади. Унинг номи 2016 йилги Европа чемпионатидан кейин Италия терма жамоаси раҳбарлигидан кетадиган Антонио Контенинг ўрнини эгаллаши мумкин бўлган номзодлар қаторида келтирилган.