Формула-1" пойгасининг Mercedes жамоаси вакили, британиялик пойгачи Льюис Хэмилтон Монако Гран-приси ғолиби бўлди.
Маррага иккинчи бўлиб Red Bull аъзоси Дэниел Риккьярдо етиб келди. 3-ўринни мексикалик Серхио Перес эгаллади.
Toro Rosso жамоаси учун қатнашувчи россиялик пойгачи Даниил Квят авариядан кейин трассадан чиқиб кетди. Квят 22-айланани ўтаётганда Renault аъзоси, даниялик Кевин Магнуссен билан тўқнашиб кетиб, трасса четидаги тўсиққа бориб урилди. Россиялик авариядан кейин боксга қайтган, бироқ у ердан қайтиб чиқмаган.
Пойга пешқадами Нико Росберг маррага еттинчи бўлиб келди.
Умумий ҳисобда ҳали ҳам немис Нико Росберг (Mercedes) етакчилик қилмоқда, унинг ҳисобида 106 очко бор. 2-ўринга Хэмилтон (82), 3-ўринга Риккьярдо (66) кўтарилиб олди.