Мальдонаду: кўплаб руслар Емельяненкони ютганимни айтишди

Аралаш услуб жангчиси, россиялик жангчи Фёдор Емельяненко билан жангда ҳакамлар қарори билан мағлуб деб топилган бразилиялик Фабиу Мальдонаду ҳакамлар унга ноҳақ мағлубият беришган, деб ҳисобламоқда.

"Мен Фёдорни ҳурмат қиламан, у мен учратган энг камтарин жангчи. Мен бу жангни ўтказганимдан бахтиёрман. Бироқ фикримча, мен ютдим, тўғрими? Мен 3-раундни ютқазмадим. Энг ёмон вазиятда унга 3-раундни беринг ва унда бизда дуранг бўлади. У жангни ютмади, ҳакамлар бошқа ҳеч ким кўрмаган нарсани кўришибди. У 2-раундда яхшироқ бўлди, бироқ бу 10-8 эмас эди. 1-раундда очколар нисбати 10-8 менинг фойдамга бўлганига шубҳам йўқ.

У деярли бир неча бор йиқилди. Ҳамма 1-раундда камида 10-8 бўлгани, ҳаттоки 10-7 бўлганини билишади. У менга тўр олдида зарба берди, бироқ мен у ерда у ҳужум қилишини истаганим учун турдим. Одамлар нима юз берганини билишади. Ҳамма билади. Кўплаб руслар жангдан кейин ёнимга келиб, менинг ютганимни айтишди", деб жангчининг айтган сўзларини келтириб ўтди MMA Fighting.