Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 22:07 / 21.06.2016
    23437
    1 дақиқада ўқилади

    Хитой раҳбари рафиқаси билан Тошкентга етиб келди

    21 июнь кечки пайт Хитой раиси Си Цзиньпин рафиқаси Пэн Лиюань билан Тошкентга етиб келди. Пойтахт аэропортида уларни Ўзбекистон Президенти Ислом Каримов ва унинг рафиқаси Татьяна Каримова кутиб олдилар, деб хабар бермоқда "Синьхуа" ахборот агентлиги твиттерда.

    Хитой раисининг Ўзбекистонга сафари 22 июнгача давом этади, сўнгра у Шанхай ҳамкорлик ташкилотига аъзо давлатларнинг Тошкентдаги саммитида иштирок этади.

    Хитой раиси билан ўтказиладиган олий даражадаги учрашув ва музокараларда Хитой ва Ўзбекистон ўртасидаги муносабатларнинг жорий ҳолати ва истиқболлари муҳокама қилинади. Шунингдек, бир қатор ҳужжатлар имзоланиши кутилмоқда.

    Хитой раисининг сафари дастурида унинг Олий мажлис Сенати аъзолари ва Қонунчилик палатаси депутатлари олдида нутқ сўзлаши кўзда тутилган.

    Си Цзиньпин Тошкентга Бухорога уюштирган қисқа сафаридан кейин келди. Хитой раҳбари қадимий Бухоронинг диққатга сазовор жойлари билан танишиб чиқди.