АҚШда навбатдаги "мерган" уч кишини ўлдирди

АҚШда навбатдаги отишма содир бўлди: номаълум кимса Олимпия шаҳри (Вашингтон штати) яқинида одамлар яшайдиган автотиркамалар тураргоҳида одамларга ўқ узди. Оқибатда 3 киши: 2 эркак ва бир аёл ҳалок бўлган, яна бир эркак ярадор бўлган, деб хабар бермоқда Reuters ахборот агентлиги. 

Маълум қилинишича, полицияни жароҳат олган эркак чақиртирган. У шифохонага етказилган. "Мерган"ни ҳозирча қўлга олишнинг иложи бўлмаган.

Бу кун давомида иккинчи бундай ҳолат бўлди. Бир неча соат аввал номаълум шахс яқинда 49 киши ўлдирилган Орландо шаҳрида пиёдаларни ўққа тутган.