Ироқ бош вазири Ҳайдар ал Абадий Бағдодда содир этилган терактлар сабаб мамлакатда уч кунлик мотам эълон қилди. Бу ҳақда Al Sumaria телеканали хабар бермоқда.
Унинг айтишича, “Ироқ фожиа қурбонлари учун мотам тутади”. Абадий, шу билан бирга, терактни ташкиллаштирганларга қарши зудлик билан ҳаракат бошлаш зарурлигини ҳам таъкидлаган.
«Кўпчиликни ташкил этган қурбонлар ҳақида эшитиб, бугундан бошлаб мамлакатда уч кунлик мотам эълон қиламиз», — деди Ироқ бош вазири.
Эслатиб ўтамиз: 3 июлга ўтар кечаси Ироқ пойтахти Бағдод шаҳрининг икки туманида содир этилган 2та портлаш натижасида қурбон бўлганлар сони 165 кишини ташкил этмоқда.