Дешам Франция терма жамоаси билан ишлашда давом этади

Дидье Дешам Франция терма жамоаси ўз уйида ўтган Европа чемпионатини юта олмаганига қарамасдан, терма жамоа бош мураббийи бўлиб ишлашда давом этади. Финал учрашувида французлар португалларга 0:1 ҳисобида имкониятни бой беришди.

Ўйиндан кейин Дешам терма жамоа билан 2018 йилда Россияда ўтадиган жаҳон чемпионати саралаш босқичи ва агар Франция жаҳон чемпионатига чиқа олса, у ерда ҳам ишлашини айтди, деб хабар бермоқда француз ОАВ.