25 июль куни Африканинг Тунис давлати Республика деб эълон қилинишининг 59 йиллигини тантана қилмоқда. 1957 йили Миллий таъсис мажлиси монархияга барҳам бериб, бей Муҳаммад VIII ал-Аминни ҳокимиятдан четлаштирган ва Тунис республикаси ташкил этилганини эълон қилган эди.
Ўша йилнинг 25 июлида мамлакатнинг биринчи президенти Ҳабиб Бургиба умумҳалқ сайловида давлат раҳбари лавозимини эгаллаганди. Шундан бери, 25 июль мамлакат тарихида ўзига хос аҳамият касб этиб келади.
Тунис пойтахтининг барча кўчалари мамлакат миллий байроғи тусида байрамона безатилди. Мамлакат президенти Бежи Каид ас-Себси республика фуқароларига мурожаат қилиши кутилаяпти. Республиканинг барча ҳудудларида тантанали митинглар ва манифестациялар ўтказиш режалаштирилган. Шу билан бирга, сиёсатчи ва иқтисодчиларнинг мамлакатни ривожлантириш истиқболларини муҳокама этувчи давра суҳбатлари ташкил этилади.