Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 21:45 / 02.08.2016
    6052
    1 дақиқада ўқилади

    Эронлик хакерлар Telegram’нинг ўнлаб аккаунтларига бузиб кирдилар

    Фото: REUTERS

    Эронлик хакерлар Telegram мессенжеридан фойдаланувчи 15 млн эронликнинг телефон рақамларини билиб олдилар. Улар шунингдек ўнлаб аккаунтларга бузиб кирганлар, деб хабар бермоқда Reuters ахборот агентлиги. 

    Агентлик бу хабарни беришда Amnesty International ташкилотининг киберхавфсизлик бўйича мутахассислари Коллин Андерсон ва Клаудио Джарньерига иқтибос келтирган. Мутахассислар хакерлар кирган аккаунтлар журналистлар ва фаолларга тегишли бўлганини маълум қилишган. Улар бузиб киришга Rocket Kitten хакерлик гуруҳи жавобгар эканлигини айтишган ва ҳужумни  Эрон ҳукумати билан боғлашдан бош тортишган.

    Таъкидланишича, бузиб киришга мессенжер қурилмаларни идентификация қилиш учун смс-хабарлардан фойдалангани сабабли эришилган. Мутахассисларнинг айтишича, бузиб кириш уяли алоқа операторларининг хакерлар билан ҳамкорлиги туфайли юз берган.  

    Telegram вакили Маркус Ра бу ҳолатни рад этмади, бироқ фойдаланувчиларга икки карра идентификациядан фойдаланишни тавсия қилди.