Москвада 12 соат ичида ойлик меъёрнинг ярмидан кўп ёғингарчилик кузатилди

Москва транспорт мажмуасининг ахборот марказида журналистларга маълум қилинишича, об-ҳавонинг ноқулай келиши жамоат транспортининг ишлашига ҳеч қандай таъсир кўрсатмаган, бироқ кейинроқ камида икки автобуснинг йўналишлари кучли ёмғир туфайли ушланиб қолганлиги аниқланди. 

Шаҳарда фавқулодда огоҳлик эълон қилинди, коммунал хизматлар кеча-ю кундуз ишлаш тартибига ўтишди, «Мосводосток» эса 50дан ортиқ сув тошиш ҳолати ҳақида буюртма олди. 

ФВВ пойтахт аҳолисига бинолардаги барча деразаларни ёпишни, имкон қадар автомобилда юришдан сақланишни ва транспорт воситаларини гаражларда қолдиришни тавсия қилди. Йўловчиларга реклама банерлари ва нозик қурилишларни четлаб ўтиш маслаҳати берилди.