Москвада автобус ҳайдовчилари бошқара оладиган светофор пайдо бўлади

Москвада автобус ҳайдовчилари бошқара оладиган светофор пайдо бўлади. Бу ҳақда 26 августда "Центр организации дорожного движения" ташкилоти раҳбари ўринбосари Артур Шахбазян маълум қилди. 

Шахбазяннинг айтишича, янги светофор 28 августдан бошлаб ишлайди. "Энди автомобиллар туннель ортидан ўтиб, Знаменка кўчаси бошида Гоголь хиёбонига чиқадилар", деб айтди Шахбазян. Унинг тушунтиришича, бу бурилишда автобус ҳайдовчилари пульт ёрдамида бошқарадиган светофор ўрнатилган.

Бу бурилишга фақатгина бир йўналишдаги автобуслар кира олади.

Шахбазяннинг таъкидлашича, янги светофор жорий йил натижаларига кўра "Моя улица" дастурига мувофиқ бурилиш ҳаракатини ташкиллаштириш соҳасидаги ягона ўзгартириш бўлади.