Дональд Трампнинг бойлиги 1 йилда 800 млн долларга камайди

АҚШ президентлиги учун республикачилар партиясидан номзод бўлмиш Дональд Трампнинг бойлиги айни вақтда 3,7 млрд долларни ташкил қилади. Бу эса 1 йил олдингидан 800 млн долларга камроқ. Бу маълумот Forbes журнали томонидан келтирилган.

Нашр хабарига кўра, Трампнинг бойлиги камайишига Нью-Йорк бозорида кўчмас мулкнинг арзонлашуви туфайлидир. Журнал маълумотига кўра, бу йилда миллиардернинг 28та активларидан 18тасининг қиймати тушган.

Хусусан, Бешинчи авенюдаги "Трамп-тауэр", Уолл-стритдаги 70 қаватли бино, "Трамп-билдинг", Палм-бичдаги (Флорида штати) "Мар-о-Лаго" номли пляж клуби шулар жумласидандир.

Хабар қилинишича, Трамп юристлари маслаҳати билан ўз солиқ ҳисоботлари ҳақидаги маълумотларни эълон қилишни истамаган.