Google Ҳиндистон интернети ривожига ҳисса қўшмоқчи

Ҳиндистон пойтахти Нью-Деҳлидаги анжуманда Google вакиллари компания мобиль дастурларни Ҳиндистондаги мавжуд мобиль алоқанинг кучсиз сигналига мослаштириб ва Wi-Fi симсиз интернетига уланиш нуқталари тармоғини кенгайтариб,  Ҳиндистон мобиль индустрияси ривожланишига ҳиссасини қўшмоқчилигини маълум қилдилар. 

Компания вакилларининг айтишича, Google дастурчилари ва муҳандислари Ҳиндистоннинг 15 шаҳрига ташриф буюриб, бу шаҳарларнинг ҳинд лойиҳаси устида олиб борилаётган иш жараёнидаги инфратузилмасини ўрганиб чиқдилар. 

Google айни вақтда ўзининг Chrome интернет-браузери ва Google Play онлайн-дўконини каби маҳсулотларини оптималлаштириш жараёнида турибди. Компаниянинг мақсади Ҳиндистон учун хос бўлган кучсиз интернет-уланиш шароитида дастурлардан фойдаланишни мумкин бўладиган қилишдан иборат.

Аввалроқ Ҳиндистон аҳолисининг фақат бешдан биригина интернетга уланишга эга эканликлари маълум қилинган. Бундан келиб чиқиб, Google ўз маҳсулотини ҳинд бозорида илгари суриш бўйича махсус дастурни яратди. Компания шунингдек интернетга уланиш кучсиз бўлган ҳолатлар учун YouTube серверидан фойдаланишга имкон берувчи YouTube Go дастурини тақдим қилганди.