Кун.uz яна TAS-IX тизимида фаолият юрита бошлади

Ўзбекистон ва жаҳонда рўй бераётган воқеа-ҳодисаларни холис етказиб берувчи, мамлакатдаги энг сермаҳсул ва тезкор ахборотлар сайти бўлмиш Кун.uz яна TAS-IX тизимида фаолият юрита бошлади. 

Энди фойдаланувчилар тезкор ва холис ахборотга эга бўлиш билан бирга маблағларини ҳам тежашга муваффақ бўлади.

Кун.uz сайти ўз ўқувчиларига янада қулайлик туҳфа этиш мақсадида Ўзбекистонда энг оммавий бўлган ижтимоий тармоқлар ва мессенжерларда ўз гуруҳ ва саҳифаларига эга. “Одноклассники”, Facebook, Instagram ва Twitter ижтимоий тармоқлари ҳамда Telegram мессенжери шулар сирасидан.

Шу ўринда айтиб ўтиш жоизки, ушбу ижтимоий тармоқлар ва Telegram мессенжеридаги ўқувчилар сони Ўзбекистонда фаолият юритувчи бошқа сайтлар билан солиштирганда кўпроқ ва салмоқлироқдир. 

Айни кунларда Кун.uz’нинг мобил иловаси янги кўринишда ишламоқда. Иловани қуйидаги манзилдан кўчириб олишингиз мумкин.

Бундан ташқари, яқин кунлардан буён сайт ўзбек (кирилл ва лотин ёзуви асосида), рус ва инглиз тилида ҳам ўз иш фаолиятини олиб бормоқда.

Бир сўз билан айтганда холис ва тезкор ахборот олишни истаган ҳар бир ўқувчи ҳеч иккиланмай Кун.uz’ни танламоқда. 

Сайтни кузатишда давом этинг! Сайт ходимлари эса ўз ўқувчиларига холис ва тезкор ахборот етказишда давом этади.