Леброн Жеймс МБАнинг 27 минг балл тўплаган энг ёш ўйинчиси бўлди

Фото: Twitter/Spark_Sports_

МБАнинг "Clevelend" жамоаси ҳужумчиси Леброн Жеймс, "Washington" жамоасига қарши ўйиннинг илк чорагида, анъанавий чемпионатларда 27 минг балл тўплашга эришган энг ёш ўйинчига айланди. Жеймс биринчи чоракда 11 очко тўплаган.

Шу билан 31 ёшли баскетболчининг ҳисобида 27 004 очко бор. Вашингтонда бўлиб ўтган ўйинда Жеймс 31 ёшу 317 кунлик бўлган ва "Los-Angeles Lakers" жамоасининг машҳур ўйинчиси Коби Брайант натижасини янгилади. У 32 ёшу 160 кунлигида шундай натижани қўлга киритган эди.

Аввалроқ, Жеймс лиганинг энг самарали ўйинчилари ўнлигига кирган эди.

#МБА #"Clevelend" #Леброн Жеймс #"Washington" #"Los-Angeles Lakers" #Коби Брайант