Тайсон Фьюри боксга қайтишини эълон қилди

Британиялик боксчи, оғир вазн тоифасида WBO ва WBA версиялари бўйича собиқ жаҳон чемпиони Тайсон Фьюри боксга қайтишини эълон қилди. 28 ёшли спортчи бу ҳақда твиттердаги саҳифасида маълум қилди.

"Бутун дивизионни тилка-пора қилиш учун яқин орада қайтаман!", деб ёзган Фьюри ҳамда унинг промоутери Фрэнк Уоррен у учун ҳар ой жанг уюштиришини қўшимча қилган.

13 октябрда Фьюри гиёҳванд моддаларга ружу қўйганлигига қарши курашиш учун чемпионлик унвонларидан воз кечганди.

5 октябрда боксчи унга депрессияга қарши ёрдам бериши сабабли кокаин қабул қилишини тан олган. Бундан икки кун аввал британиялик фаолиятини тугатаётганини, бироқ шу куннинг ўзида бу ҳазил бўлганини айтган.