Тимошенко Савченкога "Батькивщина"дан чиқариш билан таҳдид қилди

"Батькивщина" депутатлари фракция йиғилишида Надежда Савченкони чиқариш масаласини кўриб чиқишади, деб маълум қилди партия раҳбари Юлия Тимошенко "112 Украина" телеканалига.

Унинг сўзларига кўра, Савченко ўзи истаган сиёсий фаолиятини бошлаши мумкин.

"Унинг "Батькивщина" партияси билан умумий ҳеч нарсаси йўқ. Бугун биз фракцияни парламент сессия ҳафтасининг биринчи куниёқ чақиришга қарор қилдик", - маълум қилган Тимошенко.

Унинг таъкидлашича, депутатлар йиғилиш доирасида Савченко билан суҳбат ўтказиб, сўнг якуний қарорга келишади.