Ноқулай об-ҳаво туфайли Тошкент халқаро аэропорти фаолиятида айрим ўзгаришлар юз берди.
Тель-Авив (HY-304 рейси), Бишкек (HY-778) ва Париждан (HY-252) парвоз қилган Ўзбекистон Миллий авиакомпаниясининг самолётлари туман сабабли Тошкент аэропортига қўна олмади ва Ўзбекистоннинг бошқа шаҳарларида жойлашган захирадаги аэропортларга йўл олди.
Санкт-Петербург (HY-632), Милан (HY-256) ва Лондон (HY-202), шунингдек, Истанбулдан (TK-368) парвоз қилган самолётлар ҳам ноқулай об-ҳаво сабаб Тошкент халқаро аэропорти осмонида айланиб парвоз қилди ва ҳаво бироз яхшилангач, аэропортга муваффақиятли қўнди.
