Бугун Швейцариянинг Цюрих шаҳрида ФИФА томонидан 2016 йилнинг энг яхшиларини тақдирлаш маросими ўтказилмоқда.
Дастлаб, ФИФА томонидан 2016 йилнинг энг яхши футболчиларидан иборат рамзий терма жамоаси эълон қилинди.
Таркибда 9 нафар футболчи Испания чемпионати вакили, шундан 5 нафари «Реал», 4 нафари «Барселона» вакили. Ўтган мавсумда ёрқин ўйин намойиш этган ва йил футболчиси бўлиш учун даъвогар Антуан Гризманнга таркибда жой топилмаган. Каталонияликлар жамоаси вакиллари тақдимот маросимига келмаган.
Рамзий терма жамоа: Мануэль Нойер («Бавария») – Дани Алвес («Ювентус»), Серхио Рамос («Реал»), Жерар Пике («Барселона»), Марсело («Реал») – Тони Кроос, Лука Модрич (ҳар иккиси «Реал»), Андрес Иньеста («Барселона») – Криштиану Роналду («Реал»), Леонель Месси, Луис Суарес (ҳар иккиси «Барселона»).
