«Реал»нинг икки етакчи футболчиси жароҳат олиб, бир ойга сафдан чиқди

Мадриднинг «Реал» клуби икки нафар асосий таркиб футболчилари жароҳати сабаб ўйинларда бироз муддат иштирок эта олишмайдиган бўлди.

Marca нашри берган хабарга кўра, ҳимоячи Марсело ва яримҳимоячи Лука Модрич «Малага»га қарши Испания чемпионати доирасидаги учрашувда (2:1) жароҳат олишган ва  эндиликда 3-4 ҳафта давомида майдонга туша олишмайди.

Шунингдек клуб ҳужумчиси Криштиану Роналдунинг ҳолати ҳам сўроқ остида қолмоқда. Ўйин давомида унинг қўли шикастланган ва футболчи тез орада чуқурлаштирилган тиббий кўрикдан ўтади ва вазият бўйича тиббий хулоса чиқарилади.