Мадрид дербисида “Реал” устун келди, “Барселона” минимал ҳисобда ғалаба қозонди

Испания чемпионатининг кечаги тури қизиқарли ва курашларга бой ўйинларга бой бўлди.

«Реал» – «Атлетико» 3:2
Голлар: Лукман, 33 (0:1). Винисиус Жуниор, 52 – пеналти (1:1). Валверде, 55 (2:1). Молина, 66 (2:2). Винисиус Жуниор, 72 (3:2)
«Реал»: Лунин, Рюдигер, Ҳаусен, Гарсия, Карваҳал (Александр-Арнолд, 64), Тшуамени, Питарч (Мбаппе, 64), Арда Гулер (Беллингҳэм, 74), Валверде, Винисиус Жуниор (Каррерас, 87), Диас (Камавинга, 74)
«Атлетико»: Муссо, Ганцко, Ле Норман (Хименес, 46), Руджери, Лиоренте, Кардозо (Молина, 57), Коке, Лукман (Сёрлот, 57), Симеоне (Баэна, 71), Гризманн (Гонсалес, 57), Алварес
Огоҳлантиришлар: Питарч, 63 – Кардозо, 27. Руджери, 36. Ганцко, 61. Лиоренте, 68
Четлатиш: Валверде, 77

Турнинг марказий учрашувида “Реал Мадрид” ўз майдонида “Атлетико Мадрид”ни қабул қилди. Шиддатли ва муросасиз кечган баҳсда мезбонлар 3:2 ҳисобида ғалаба қозонди. Учрашув давомида ҳар икки жамоа ҳам фаол ҳужумлар ташкил этди, аммо якунловчи дақиқаларда “Реал” устунроқ ҳаракат қилди.

«Барселона» – «Райо Валекано» 1:0
Гол: Араухо, 24 (1:0)
«Барселона»: Гарсия, Кубарси, Х. Мартин, Жоау Канселу (Эспарт, 90), Араухо, Педри, Бернал (Касадо, 61), Фермин Лопес (Олмо, 61), Рафиня, Ямал (Рэшфорд, 82), Левандовски (Торрес, 46)
«Райо Валекано»: Баталя, Сисс, Лежен, Чаваррия, Рацю, Диас (Лопес, 59), Валентин (Эспино, 46), Херард Гумбау (Де Фрутос, 59), Фран Перес (Камельо, 82), К. Мартин (Алваро Гарсия, 46), Палазон
Огоҳлантиришлар: Рафиня, 8. Ямал, 26. Кубарси, 72 – Валентин, 34. Фран Перес, 65. Сисс, 67. Палазон, 88

Яна бир муҳим ўйинда “Барселона” ўз майдонида “Райо Валекано”ни 1:0 ҳисобида мағлуб этди. Каталония клуби қийин кечган баҳсда муҳим уч очкони қўлга киритиб, турнир жадвалидаги позициясини мустаҳкамлашга ҳаракат қилди.

Шунингдек, қизиқарли ўйинлардан бирида “Алавес” меҳмонда “Селта”ни 4:3 ҳисобида енгди. Бу баҳс турнинг энг драматик тўқнашувларидан бирига айланди. “Атлетик Билбао” эса ўз уйида “Бетис”ни 2:1 ҳисобида мағлуб этиб, навбатдаги муҳим ғалабани расмийлаштирди.

22 март кунги ўйинлардан сўнг Ла Лига жадвалида “Барселона” 73 очко билан пешқадам бўлиб турибди. “Реал Мадрид” 69 очко билан иккинчи, “Вилярреал” 58 очко билан учинчи, “Атлетико Мадрид” 57 очко билан тўртинчи ўринда бормоқда. Кейинги поғоналарда “Бетис” 44 очко, “Селта” 41 очко билан жойлашган. Шу тариқа, чемпионлик учун асосий кураш ҳозирча “Барселона” ва “Реал Мадрид” ўртасида кечмоқда, Европа кубоклари йўлланмалари учун рақобат эса янада кескинлашган.