Талабаларга стипендия тўлаш тартибига ўзгартириш киритилиши мумкин

Ижтимоий тармоқлардаги хабарларга кўра, ҳозирда олий таълим муассасаларининг барча талабаларига семестрни қандай баҳода якунлашидан қатъи назар бир хил миқдорда стипендия тайинланиши тўғрисида қарор лойиҳаси кўриб чиқилмоқда. Хусусан, бу ҳақда Facebook ижтимоий тармоғидаги Maslahat.uz гуруҳида ёзилган.

"Бу қарор баҳо ортидан қувиш, яхши баҳо олиш учун моддий манфаат ва таъмагирликларнинг олдини олишга озми-кўпми хизмат қилиши шубҳасиз", дея илова қилинган хабарда.

Ҳозирча бу қарор расман тасдиқланмади. Айни вақтда бу бўйича фикрлар ўрганилмоқда.