БМТ бош котиби Антониу Гутерриш Исроил томонидан Фаластин ҳудудида турар-жойлар қурилишининг қонунийлаштирилишини халқаро қонунбузарликдир деб атади. Бу ҳақда ташкилот сайтида маълум қилинди.
"Бу қонун халқаро қонунчилик бузилишидир ва у ўз ортидан Исроил учун жиддий оқибатлар келтиради", деб айтди Гутерриш.
Гутерриш "Икки халқ учун икки давлат" режасини йўққа чиқарувчи бирор-бир ҳаракатга йўл қўймасликка чақирди.
Аввалроқ Исроил парламенти Фаластин ҳудудидаги турар-жойларни қонунийлаштириш ҳақидаги қонунни қабул қилганди.