Стокҳолмнинг кўплаб муҳожирлар яшайдиган Ринкебю микротуманида 20 февраль кечки вақт номаълум кимсалар маҳаллий дўконларни тунаш ва машиналарга ўт қўйиш билан тартибсизликлар уюштирдилар.
"Тартибсизликлар соат 22.20 да бошланди, туманда тунги вақт 7-8 автомобиль ёқиб юборилган. Полиция тартиб ва хавфсизликни тиклаш устида ишламоқда. Афсуски, туманда дўконларни тунаш ҳолатлари юз берган. Ўғирликлар кўлами ҳозирча ўрнатилмаган", деб айтилди шаҳар полицияси баёнотида.
Хабарда маълум қилинишича, тартибсизликлардан аввалроқ микротуманга полиция ходимлари ташриф буюриб, қидирувда бўлган одамлардан бирини қўлга олиш вақтида, жиноятчи уларга тош улоқтира бошлаган.
"Шу сабабли патруль огоҳлантирувчи ўқ узишга мажбур бўлган. Улоқтирилган тошлардан бири полициячилардан бирининг қўлига теккан. Унинг жароҳати оғирлиги ҳозирча аниқланмаган", дейилади хабарда.
Швециянинг SVT телевидениеси маълум қилишича, тартибсизликлар иштирокчилари ҳозирча аниқланмаган.
"Тартибсизликларда 40-50 одам иштирок этган. Улардан баъзилари қочиб кетган. Уларнинг аниқ сонини аниқлаш мураккаб бўляпти", деб айтди полиция вакили.
Полиция ярим тундан кейин туманда тартиб ўрнатилгани ва икки киши дўппослаш оқибатида жароҳат олганини маълум қилган. Улардан бири дўконлардан бирининг эгаси бўлган. Жабрланганларнинг иккиси ҳам шифохонага ўзлари мустақил етиб олганлар.
