Dacia компанияси Stepway моделлар қаторининг янги модели – барча йўллар учун мўлжалланган "Логан" универсал автомобилини тақдим қилди. Автомобилнинг илк намойиши Женева автосалонида бўлиб ўтади. Машина 50 миллиметрга кенгайтирилган клиренс (174 мм гача) ва бўялмаган пластикдан безаклари бўлган осма элементлар олди.
Пластик безаклар ғилдирак аркаларида ҳам пайдо бўлди, олд бамперларда эса "металл рангдаги" безак элементлари қўлланган. Янги машинанинг яна бир ўзига хос жиҳати, Sandero Stepway услубидаги "3D-эффект"га эга ўриндиқлар копламаси бўлди. Қолган томондан эса "Логан" оддий универсални такрорлайди.
Европада модель Laureate тўплами билан таклиф қилинади, унда навигацияли мультимедиа мажмуаси, кондиционер, салоннинг қисман чарм билан безалиши, орқани кўриш камералари ва тоққа чиқишда ёрдам берувчи тизим кўзда тутилган.
Моторлар қаторига 90 от кучига эга бензинли ва дизель мотор киради. Иккала двигатель ҳам 5 поғонали механик узатмалар қутиси билан бирга ишлайди.
Россия бозорида Руминиянинг Dacia маркаси моделлари Renault бренди остида таклиф қилинади, бироқ Logan универсали Largus номи билан сотилади. Автомобиль биринчи авлоддаги Dacia Logan универсали базасида қурилган.
