Lada Vesta универсалининг илк жосуслик суратлари интернет тармоғида пайдо бўлди. Германиядаги синовлар чоғида олинган суратларни AutoEvolution нашри эълон қилди. «АвтоВАЗ»нинг янги маҳсулоти Россияда кузда пайдо бўлади.
Миш-мишларга кўра, универсал жорий йил ўрталаридан Ижевскда ишлаб чиқарилади. Унинг эҳтимолий нархи 800 минг рубл атрофида бўлиши айтилмоқда.
2016 йилда бўлиб ўтган Москва халқаро автосалонида маълум қилинганидек, унинг йўлда ҳаракатланиш хусусиятлари яхшиланган янги динамик кўринишга эга бўлган.
Унинг олд кўриниши Vesta седанидан яхши таниш бўлиб улгурган. У Cross-универсалда ҳам қўлланилади.
