БМТ Сурия авиациясини хлорли бомбаларни қўллашда айблади

Ҳалабни бомбардимон қилиш давомида Сурия авиацияси хлор моддаси қўшилган қўлбола бомбаларни ишлатган. Бу ҳақда БМТ мустақил комиссиянинг чоршанба куни эълон қилинган ҳисоботида айтилади.

Ҳисоботда маълум қилинишича, тақиқланган қурол 2016 йилда қўлланган ҳамда юзлаб тинч аҳоли вакилларининг ҳалок бўлишига олиб келди.

Шу билан бирга, ҳужжатда таъкидланишича, бомбалар айнан Сурия авиацияси томонидан ташланган. Комиссия маълумотларига кўра, Россия ҳарбийларининг ушбу воқеаларга алоқаси йўқ.