Disney “Оловуддин” фильми учун танлов эълон қилди

Disney студияси “Оловуддин” (“Аладдин”) фильми учун очиқ танлов эълон қилди, деб хабар бермоқда The Hollywood Reporter. Эртакдаги бош роллар учун Яқин Шарқ мамлакатларидан 18-25 ёшдаги актёрлар қидирилмоқда.

Картина “Соҳибжамол ва махлуқ” каби мусиқали бўлади, шунинг учун лойиҳада иштирок этмоқчи бўлганлар қўшиқ куйлаш олиши, шунингдек рақс ижро эта билиши керак.

Фильм режиссёри Гай Ричи. Суратга олиш жараёни Буюк Британияда 2017 йилнинг июлидан 2018 йилнинг январь ойига қадар бўлиб ўтади. Репетициялар эса апрелда бошланади.

Эслатиб ўтамиз, “Оловуддин” мультфильми 1992 йилда чиққанди. Жин образига Робин Уильямс овоз берган. Мультфильм 2та “Оскар” мукофотини қўлга киритган.