«Арсенал» жамоаси бош мураббийи Арсен Венгер Англия кубогининг 1/4 финалида бешинчи дивизион клуби «Линкольн Сити» устидан қозонилган ғалабадан сўнг фикрларини билдириб ўтди.
«Яқинда мухлисларимизни хафа қилган эдик. Биз яна «Уэмбли»га отланиб, Англия Кубогини ютмоқчимиз. Клуб Чемпионлар лигасида катта омадсизликка учради. Бунга тўғри муносабатда бўлиш керак.
Келинг, мен ҳақимда жуда кўп гапиришни бас қиламиз. Мен бутун умримни шу клуб ривожи учун ўтказдим ва кетгунимча шу иш билан машғул бўламан. Ҳар доимгидек ўз ишим билан машғулман. Бошқаларга ўз ишимни баҳолашга йўл қўйиб бераман. Мен шунчаки, диққатимни кейинги ўйинга қаратганман.
«Линкольн»ни табриклайман - улар бу мавсумда Англия Кубогида кўп нарсага эришди. Бу ўйини яхши ташкил қилинган жамоа. Бизга ўзимизга ишонч етишмаётганди ва бу жамоа устидан ғалабадан кейин бизда ўзимизга ишонч қайтди», дея Венгернинг сўзларини келтирган BT Sport.
