Ўзбекистонда Тожикистондаги кучли зилзила сезилган

Жума куни маҳаллий вақт билан соат 10:10да Тожикистонда 6,1 балли зилзила рўй берди. Бу ҳақда Ўзбекистон ФВВ матбуот хизмати маълум қилди.

«5 май куни соат 10.10да Тошкентдан 258 километр жанубий нуқтада Тожикистон ҳудудида зилзила рўй берди. Зилзила магнитудаси 5,9 га тенг бўлган», — дейилган вазирлик хабарида.

Зилзила ўчоғи 10 километр чуқурликда бўлган.

Ҳодиса оқибатида келтирилган талофатлар ҳақида аниқ маълумотлар йўқ.

Бундан олдинроқ Тошкент шаҳри аҳолиси 4 балли зилзила кучини сезгани ҳақида хабар берилганди.