Ўзбекистон президенти Шавкат Мирзиёев 19-20 май кунларида Туркманистонда бўлди. Амалий ташрифнинг расмий қисмидан сўнг президент туркманистонлик ҳамкасби Гурбангули Бердимуҳамедов билан бирга ҳордиқ чиқарди.
Интернетда икки давлат раҳбарининг велосипедда сайр қилиши, яхтада сузиши ва тренажёр залида шуғулланиши акс этган фотосуратлар тарқалган.
Президент Туркманистонга ташрифи давомида Каспий денгизи соҳилидаги «Аваза» миллий сайёҳлик зонасининг «Камалак» болалар кўнгилочар боғида дам олаётган ўзбекистонлик болалар билан ҳам учрашганди.
