Новосибирскда икки ёшли бола еттинчи қаватдан тушиб кетиб омон қолди

Россия тергов қўмитаси Новосибирскнинг Ленин туманидаги уйлардан бирида икки ёшли боланинг етти қаватдан пастга қулагани юзасидан текширув ўтказмоқда. Бу ҳақда ТАСС маҳкама матбуот хизматига асосан хабар берди.

Тергов қўмитаси маълумотларига кўра, боланинг онаси ухлаб қолган, ҳамда у шу пайт дераза рафига чиққан ва ҳашаротлардан ҳимоялаб турувчи тўр билан қопланган очиқ деразага суянмоқчи бўлган. Тўр боланинг вазнига бардош бера олмай ёрилиб кетган, ҳамда у еттинчи қаватдан пастга қараб қулаган.

Таъкидланишича, бола шифохонага олиб кетилди. Унда аниқланган тан жароҳатлари ҳаёт учун хавф туғдирмаслиги айтилган.