«Реал» ёзги трансферлар вақтида Хамес Родригесни сотмоқчи.
Мадридликлар клуби президенти Флорентино Перес 25 ёшли ушбу колумбиялик футболчини таркибда сақлаб қолмоқчи бўлган, аммо футболчи жамоа бош мураббийи Зинедин Зиданнинг режаларига кирмаган.
El Confidencial тарқатган хабарга кўра, «Манчестер Юнайтед» 50 миллион евро, «Интер» – 40 миллион евро таклиф этмоқда. Футболчининг манфаатларини ҳимоя қилувчи агент Жорже Мендеш уни сотиб олишни «ПСЖ»га таклиф этмоқда, аммо парижликлар аввалига Анхель Ди Мария ва Ҳавер Пасторенинг тақдирига ойдинлик киритиб олишни истамоқда.
Хамесга «Арсенал», «Тоттенҳэм» ва«Ливерпуль» жамоаларидан ҳам қизиқишлар мавжуд, аммо улар Мадрид клуби сўраётган 75 миллион еврони тўламоқчи эмас.
