14 июнь куни Тошкентда юз берган йўл-транспорт ҳодисалари 

2017 йилнинг 14 июнь куни, Тошкент шаҳри ҳудудида 1 та йўл-транспорт ҳодисаси қайд этилган. Мазкур йўл-транспорт ҳодисасида 2 нафар шахс тан жароҳати олган, вафот этганлар йўқ, деб хабар бермоқда пойтахт ИИББ.

2017 йилнинг 14 июнь куни Тошкент шаҳар ИИББ ЙҲХБ ЙПХ инспекторлари томонидан жами 2784 та ҳуқуқбузарликлар бўйича маъмурий баённомалар расмийлаштирилган бўлиб, шулардан, 624 тасини қўпол турдаги, 8 тасини маст ҳолда транспорт воситасини бошқариш ташкил этган. 

2017 йил 14 июнь куни Тошкент шаҳар ИИББ ЙҲХБ компьютерлаштирилган бошқарув тизими томонидан жами 1139 та қоидабузарликлар қайд этилган бўлиб, шулардан 647 тасини светофорнинг тақиқловчи чироғига бўйсунмасдан ҳаракатланиш, 492 тасини белгиланган меъёрдан юқори тезликда ҳаракатланиш ташкил этади.