Португалияда самолёт эр-хотин жанжали туфайли фавқулодда қўнишга мажбур бўлди

Британиянинг Jet2.com авиакомпанияси самолёти Португалияда фавқулодда қўнишга мажбур бўлди. Бу эр-хотиннинг бортдаги жанжали туфайли юз берган, деб ёзмоқда Daily Star газетаси.

Ҳодиса Лондондан Испаниянинг Гран-Канария оролига парвоз қилаётган рейсда пайшанба, 6 июль куни содир бўлди. Полина Гордон ва Рональд Вилле аввалига бир-бирлари билан оғзаки тортишишган, кейин эса жанжал қўл ва оёқларни ишлатган ҳолда давом этган.

Натижада борткузатувчилар уларни тинчлантириш учун куч қўллашга мажбур бўлишди. Лайнер Португалиянинг Фару аэропортига фавқулодда қўнди, у ерда эр-хотин ҳуқуқни муҳофаза қилиш идораларига топширилди. Шундан сўнг ҳаво кемаси Испанияга учиб кетган. Фавқулодда ҳолат сабаб рейс тахминан бир ярим соатга ушланиб қолди.