Трампнинг меҳмонхонаси олд қисмида Путиннинг тасвири пайдо бўлди

Нью-Йоркдаги Trump SoHo меҳмонхонаси олд қисмида 8 август, сешанбага ўтар кечаси Россия президенти Владимир Путиннинг тасвири пайдо бўлди. CAP Action раҳбари ўринбосари Игорь Вольский твиттердаги саҳифасида тегишли фотосуратларни жойлади. Шунингдек, бу фотосуратларда рус байроғи билан турган кишиларни ҳам кўриш мумкин. Улар меҳмонхона олдида бўлишган.

Кадрларда инглиз тилидаги «Happy to help, bro» («Ёрдам беришдан хурсандман»), «Follow the money» («Пулнинг кетидан қув»), «Laundering services available» («Пулларни ювиш бўйича хизматлар бор») ёзувлари, шунингдек рус тилидаги «Кучли бўл» сўзлари бор.

Америкалик журналист Робин Беллнинг маълум қилишича, бу акцияни у ташкил қилган.