Кенияда президентлик сайловлари такроран ўтказиладиган сана маълум қилинди

Фото: REUTERS / Goran Tomasevic

Кения мустақил сайлов комиссияси аввалги президентлик сайловлари натижалари бекор қилингандан кейин, уни такроран 17 октябрда ўтказишни белгилади.

“8 августдаги сайловлар натижасини бекор қилган Олий суд қарорига кўра, янги президентлик сайловлари 17 октябрда ўтади”, деб хабар қилган сайлов комиссияси твиттерда.

The fresh presidential election is officially scheduled for 17th October 2017. Read here for more. #ElectionsKE2017 pic.twitter.com/1MH0jLdOad
— IEBC (@IEBCKenya) September 4, 2017

Биринчи сайловлар натижаларига кўра иккинчи муддатга сайланган амалдаги президент Ухуру Кениата ғолиб деб эълон қилинганди. Бироқ мухолифат номзоди Раила Одинга сайлов натижаларига таъсир қилиш мақсадида сайлов комиссияси интер-тизимига бузиб кирилганини таъкидлаган.

Шундан кейин Олий суд сайловлар ўтказилишида қоидабузарликларга йўл қўйилганига қарор қилиб, 60 кун ичида янги президентлик сайловлари ўтказиш кераклиги ҳақида ҳукм чиқарган.