Ўзбекистон Президенти Шавкат Мирзиёев 19 октябрь куни Қирғизистон ташаббусига кўра Қирғизистон президенти Алмазбек Атамбоев билан телефон орқали мулоқот қилди. Бу ҳақда ЎзА хабар бермоқда.
Шавкат Мирзиёев мулоқот аввалида Алмазбек Атамбоев ҳамда қардош қирғиз халқини 15 октябрь куни президентлик сайловининг муваффақиятли ўтказилгани билан самимий муборакбод этди.
Умумхалқ сайлови натижалари Қирғизистонда амалга оширилаётган ислоҳотлар ва рўй бераётган ўзгаришларга мамлакат аҳолиси юксак ишонч билдириши ва уни ҳар томонлама қўллаб-қувватлашидан далолат экани алоҳида қайд этилди.
Қирғизистон президенти Алмазбек Атамбоев Ўзбекистон Президентига президентлик сайлови муносабати билан самимий табрик учун чуқур миннатдорлик билдирди.
Қирғизистон икки мамлакат ўртасида кенг кўламли ва ўзаро манфаатли ҳамкорликни бундан буён ҳам ривожлантиришга, дўстлик ва стратегик шериклик алоқаларини мустаҳкамлашга тайёр эканини таъкидлади.
Эслатиб ўтамиз, Қирғизистонда 15 октябрь куни ўтказилган сайловида Социал-демократик партия номзоди, Атамбоев томонидан қўлланган Сооранбай Жээнбеков ғолиб чиқди. У қарийб 55 фоиз овоз олди, иккинчи асосий Ўмурбек Бабанов эса 38 фоизга яқин овоз тўплади.
