Сомали пойтахтидаги президент саройи яқинида портлашлар содир этилди

Фото: twitter.com/ @MogadishuNews

28 октябрда террорчи-худкуш Сомали пойтахти Могадишодаги президент саройи яқинида жойлашган меҳмонхна олдида портлаш содир этди. Бу ҳақда Сомали полициясига иқтибос келтирган ҳолда Associated Press ахборот агентлиги хабар бермоқда.

Маълум қилинишича, портлаш оқибатида 2 киши ҳалок бўлган ва 8 киши яраланган. Таъкидланишича, бироздан кейин шу ҳудудда яна бир портлаш содир этилган.

Полиция вакилининг маълум қилишича, меҳмонхонада отишма овозлари эшитилган.

14 октябрда Могадишонинг Ходан туманидаги меҳмонхона биноси ёнида миналаштирилган юк автомобили портлатилган эди. Охирги маълумотларга кўра, бу теракт оқибатида 358 киши ҳалок бўлган.