Трамп Нью-Йорк терактидан кейин «грин карта»ни танқид қилди

АҚШ президенти Дональд Трамп 8 кишининг ҳаётига зомин бўлган ва 11 кишини жароҳатлаган Нью-Йоркдаги ҳалокатли ҳужумдан кейин «хизматларга яраша иммиграция»га чорламоқда. Бу ҳақида у ўзининг Twitter саҳифасида маълум қилди.

«Биз «хизматларга яраша» иммиграция учун курашамиз, бундан кейин демократлар учун лотерея тизимлари йўқ. Биз энди ақллироқ бўлишимиз керак», - дея ёзади АҚШ президенти.

«Биз бу аҳмоқликка чек қўямиз!» деб ёзади Трамп кейинроқ.

Бундан аввалги маълумотларга кўра, бугун Нью-Йоркда йўловчиларга ҳужум уюштирган шахс 2010 йилда АҚШга қонуний йўл билан кирган Сайфулло Соипов ўзбекистонлик муҳожир бўлган.

Тайёрлаган Азиз Қаршиев

#Дональд Трамп #теракт

31 октябрь, сешанба куни Манҳэттенда юк машинасини бошқарган шахс одамларни қасддан уриб юбориши оқибатида 8 киши ҳалок бўлди, 12 киши жароҳатланди. Терактни содир этишда гумон қилинаётган шахс келиб чиқишига кўра ўзбекистонлик Сайфулло Соипов.