Каталония бир ойда 15 мингта иш ўрнидан айрилди

Фото: EPA

Каталония октябрь ойида минтақанинг мустақиллиги бўйича референдум билан боғлиқ кескин вазият туфайли Испаниянинг 17 та мухтор ҳудудига қараганда энг кўп иш ўринларини йўқотди. Бу ҳақда АР хабар бермоқда.

Таъкидланишича, минтақа Каталония етакчилари ўртасида тўқнашувлар фонида қарийб 15 мингта иш ўрнини йўқотган.

Сиёсий беқарорлик шунга олиб келдики, мингдан ортиқ компаниялар ўз қароргоҳларини Испаниянинг бошқа туманларига кўчиришди. Улар Каталония мустақилликни қўлга киритадиган бўлса, Европа Иттифоқининг умумий бозоридан четга чиқиб кетишдан хавфсирашмоқда.

Нашрнинг таъкидлашича, Испанияда октябрь ойида ишсизлик даражаси 58 минг кишига ошди.

Тайёрлаган: Отабек Матназаров

#Каталония

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.