Қўшимча функционаллар
-
Тунги кўриниш
Саудия Арабистонида бир неча ўнлаб кишиларнинг ҳисоб рақамлари музлатиб қўйилди
Фото: © EPA-EFE/YAHYA ARHAB
Саудия Арабистони марказий банки қироллик ҳудудидаги молиявий институтларга (банклар, кредит ташкилотлари) бир неча ўнлаб кишиларнинг ҳисоб рақамларини музлатиб қўйишни буюрди.
Шу мақсадда марказий банк молиявий институтларга ҳисоб рақамлари музлатилиши керак бўлган шахслар рўйхатини йўллаган. Бунинг бирор-бир сабаби келтирилмаган.
Ўтган дам олиш кунлари Саудия Арабистонида 11 шаҳзода, 4 нафар амалдаги вазир ва бир неча ўнлаб амалдорлар ва тадбиркорлар коррупцияга қарши олиб борилаётган кампания доирасида ҳибсга олинган. Улар орасида Саудия Арабистонининг биринчи қироли Абдулазиз бин Сауд Ол Сауднинг набираси Ал-волид бин Талал ҳам бор. Bloomberg маълумотларига кўра, шаҳзода дунёдаги энг бой одамлардан бири бўлиб, Citigroup Inc ва Apple Inc каби компаниялар акциялари пакетига эга.
Унинг Kingdom Holding компанияси акциялари ҳибсга олинганидан кейин 21фоизга тушиб кетди.
Саудия Арабистонида тахт кураши
4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.
Мавзуга оид
07:26 / 03.12.2025
Саудиядаги улкан «Мукааб» пойдевори сунъий йўлдошдан қайд этилди
14:02 / 02.12.2025
РФ ва Саудия Арабистони визани бекор қилиш тўғрисида шартнома имзолади
12:55 / 02.12.2025
Ўзбекистон ва Саудия Арабистони ўрта тиббиёт ходимларини ишга жойлаштириш бўйича келишув имзолади
19:00 / 29.11.2025