Россия Ўзбекистонга микробиологик лаборатория берди

Фото: UzDaily.uz

Россиянинг “Роспотребнадзор” ташкилоти Ўзбекистонга автошасси негизидаги экспресс-диагностика микробиологик лабораториясини берди.

Лаборатория Россия ҳукумати кўмагида амалга оширилаётган, юқумли касалликларнинг олдини олиш ва уларга жавоб бериш бўйича салоҳиятни мустаҳкамлашда Шарқий Европа ва Марказий Осиё давлатларига техник ва ташкилий-методик дастур доирасида топширилган.

Лаборатория қурилмалари, зарур материаллар ва диагностик воситалар билан бирга Ўзбекистон Соғлиқни сақлаш вазирлигининг Республика карантин ва ўта хавфли инфекциялар профилактикаси марказига берилди.

Лаборатория топширилиши доирасида ўзбекистонлик мутахассислар ва ҳайдовчилар мобил лаборатория тизими ва қурилмаларидан фойдаланиш қоидаларига ўқитилдилар.