Фото: МДҲ етакчилари Москвада йиғилди

26 декабрь куни Москва шаҳрида Мустақил Давлатлар Ҳамдўстлиги Давлат раҳбарлари кенгашининг норасмий учрашуви бўлиб ўтди. Унда Ўзбекистон Республикаси Президенти Шавкат Мирзиёев ҳам иштирок этди. 

Учрашувда МДҲ давлатлари ижтимоий-иқтисодий ривожланиш, хавфсизлик ва барқарорликни мустаҳкамлашдаги вазифалар муҳокама этилди.

«Аминманки, МДҲ доирасидаги ҳамкорликни турли соҳаларда янада чуқурлаштириш давлатларимиз халқлари манфаатларига жавоб беради. Давлатларимиз иқтисодий-ижтимоий ривожланиши, барқарорлик ва хавфсизликни мустаҳкамлашда олдимиздаги вазифаларни ҳал қилиш устида ишлаймиз», деган учрашув мезбони Путин.

У МДҲ етакчилари ўтган йил сарҳисобини қилиш ва истиқболдаги режалар ҳақида суҳбатлашиш, минтақавий ва глобал масалаларни муҳокама қилиш учун йиғилишганини қайд этиб ўтган.