Таиланд суди молиявий пирамида ташкил этган Пудит Киттитрадилокни 13725 йилга озодликдан маҳрум этди. Бу ҳақда BBC News хабар бермоқда.
40 минг киши фирибгарнинг қурбонига айланган, улар айбланувчининг компаниясига умумий ҳисобда 160 млн доллар киритишган. Судланувчи 2653 та банд бўйича айбдор деб топилган.
Киттитрадилок семинарлар ташкил этиб, уларда одамларни минилган машиналар, косметика ва бошқа буюмлар сотувчи компанияларга сармоя киритишга ундашган. Одамларга янги иштирокчиларни жалб қилганлик учун ақлбовар қилмас даромад ва бонуслар ваъда қилинган.
Фирибгар полиция томондан августда қўлга олинган. Маълум қилинишича, суд фирибгар ўз айбини тан олгани учун унга чиқарилган жазо муддатини икки мартага – 6637 йил 6 ойгача қисқартиришга рози бўлган. Бироқ фирибгар панжара ортида 20 йилдан кўпроқ вақт ўтказиши даргумон, чунки Таиланд қонунларида бундай турдаги жиноятлар учун чекловлар мавжуд.
