Дональд Трамп: «Оқ уй учун сайловда Опрани ҳам ютавераман»​

Телебошловчи Опра​ Уинфри 2020 йилги АҚШ президентлиги сайловида иштирок этишга қизиқиш билдиргани тўғрисидаги хабар тарқаганидан сўнг, амалдаги президент Дональд Трамп бундай муносабатга баҳо берди. 

Reuters мухбирининг хабар қилишича, Дональд Трамп «​Оқ уй учун сайловда Опрани ҳам ютишини»​ билдирган​. 

Аслида Уинфрининг «Олтин глобус» мукофотини топшириш маросимида янграган нутқи бунга шама қилгани билдирилганди. Ўшанда у «Ушбу залдаги кўплаб ажойиб аёллар ва айрим муносиб эркаклар етакчи бўлиш учун қатъият билан курашмоқда», деганди. 

Уинфрининг нутқидан кейин АҚШнинг бир қатор оммавий ахборот воситалари телебошловчи 2020 йилги сайловларда иштирок этиш имконини ўйлаётгани ҳақида гап тарқатишган. 

​Амалдаги президентнинг Матбуот котиби Хоган Гидли бундан аввал, Дональд Трампнинг 2020 йилги сайловларда иккинчи муддатга президентликка номзоди​ни илгари суришини тасдиқлаган.