АҚШда зимбабвелик сиёсатчи бўлган вертолёт фалокатга учради

АҚШнинг Хьюстон шаҳрида зимбабвелик сиёсатчилар бўлган вертолёт фалокатга учради. Фалокат оқибатида 5 киши ҳалок бўлди, улар орасида Зимбабве мухолифатининг вакили Рой Беннетт ва унинг рафиқаси Эйлин бўлган. Бу ҳақда Нью-Мексико полицияси маълум қилди. 

Вертолёт бортида 6 киши бўлган. Бир киши жароҳатлар билан омон қолган. Воқеа жойига тафсилотларни аниқлаштириш учун авиация федерал бошқармаси вакиллари йўл олганлар. 

Фалокат 17 январда тоғли ҳудудда юз берган, бироқ вертолётни 18 январда топишга муваффақ бўлинган. Бу Huey хусусий вертолёти бўлган.

Воқеа сабаблари ўрнатилмаган.

KOB 4 телеканали маълумотларига кўра, вертолёт Беннеттнинг дўстларидан бирининг ранчосига йўналаётган бўлган. Ҳалок бўлганлардан бири – иккинчи учувчи Пол Кобб зимбабвелик сиёсатчининг яқин дўсти бўлган. Унинг қизи Андра Кобб омон қолган.  

Беннетт Зимбабведаги “Демократик ўзгаришлар ҳаракати” мухолиф партиясининг ғазначиси бўлган.