Олимлар дунёнинг барча халқлари учун универсал тилни маълум қилишди

Фото: Fotolia

Бутун инсоният учун мулоқот қилишнинг универсал воситаси мусиқа саналади. Ҳарвард университетидан бўлган америкалик олимлар шундай хулосага келишди.

Сurrent Biology’нинг таъкидлашича, тадқиқотда 60 мамлакатдан бўлган 750 нафар интернет фойдаланувчи иштирок этди. Барча қатнашчиларга турли халқлар ва маданиятларга тегишли, тасодифан танланган композициялардан кичик бир қисмни тинглаш таклиф этилган.

Синовда қатнашганлар қўшиқ жанрини аниқлашлари ва ушбу мусиқа туфайли қандай кайфиятга тушганликларини билдиришлари лозим эди. Кўп ҳолатларда инсонлар мусиқа йўналиши ҳамда характерини аниқ топишган, гарчи бу ҳақда аввал маълумотга эга бўлишмаган.

Олимлар қўшиқлар жанри ва уларнинг турли маданият вакиллари томонидан субъектив баҳоланиши ўртасида алоқа борлигини ҳам аниқлашди.

#тадқиқот #тил #мусиқа